miércoles, 5 de junio de 2019

Lectura dramatizada de O ACHADO DO CASTRO

Rematando as actividades do club de 3º de ESO, a rapazada fixo unha simpática lectura dramatizada dunha das escenas da singular obra de Manuel Núñez.

Remate de actividades no club de lectura de 3º de ESO

Rematando o curso, e coas calores de maio,  realizamos as últimas actividades coa rapazada entusiasta  deste club. Reflexionando, chegamos  a atopar o mellor modelo para aplicar ás próximas sesións do club... para o ano que vén xa reservamos praza nesta aventura!!
E velaí vai a receita para o éxito das lecturas:
De primeiro un xantar pequeniño na cafetaría do centro (ou fóra, se o tempo o permite).

  De segundo, petiscos:  
algúns vídeos:  informativos sobre autor/obra, traballados  polos participantes;  ou xa elaborados.
Lecturas escollidas das obras , comentarios, elaboración de materiais para o blog, gravacións, ...



De sobremesa
Visionado  de  películas sobre a s obras , se as houber.  
Recitado de poemas,  comentarios finais...
E moitíiiisimos parabéns a tod@s!!!!!


Veinte poemas de amor...

O club de lectura de 4º de ESO le un dos máis fermosos poemas de Pablo Neruda.

miércoles, 22 de mayo de 2019

Ruta do Rexurdimento


O REXURDIMENTO NA NOSA CIDADE, A CORUÑA.
 


Ruta Do Rexurdimento by nopuvi on Scribd

domingo, 5 de mayo de 2019

As viaxes de EXERIA

Simpática presentación elaborada polos integrantes do club de lectura de 1º de ESO sobre  as vixes de Exeria dentro do marco do traballo interdisciplinar  sobre os GRANDES EXPLORADORES que se levou a cabo no noso centro.

A rapazada deste club leu Exeria. Nos límites do mundo de Arturo Iglesias e realizaron tamén mapas e unha pequena investigación sobre persoeiros históricos desa época que se pode ver na exposición do corredor principal do instituto.


miércoles, 1 de mayo de 2019

Premios DADO

Na gala do Grupo DADO de onte o noso alumnado conseguiu premios en  diferentes categorías:
 Na categoría A, Sara Sanz Fonta de 3º de ESO acadou o primeiro premio co seu microrrelato titulado O MEU INIMIGO.  Podedes lelo xunto cos outros relatos finalistas AQUÍ.

 María Tarrío Rodríguez de 4º de ESO B, resultou finalista na categoría B co seu relato MIRÁDEME que podedes ler AQUÍ.

Por outra banda, salientamos que o club de lectura de inglés tamén foi galardoado co primeiro premio de "booktrailers"  ou vídeos de promoción da lectura co vídeo MILK & HONEY , interpretación dalgúns dos  poemas da autora canadiense Rupi Kaur e finalista cun pequeno poema orixinal elaborado trala lectura de "The Little Prince".

 Aquí vos deixamos os vídeos


E, por último, un vídeo resumo da gala cedido pola biblioteca do Ágora

miércoles, 3 de abril de 2019

Visita do escritor Carlos Negro

O pasado 27 de marzo organizamos a visita do poeta Carlos Negro ao noso centro tendo como resultado un éxito rotundo. Tanto o alumnado como o profesorado asistente quedou entusiasmado coa complicidade co autor. Deixamos aquí unha pequena mostra desa visita.

lunes, 21 de enero de 2019

Dous clubs de lectura reunidos

O pasado martes pola tarde  reunimonos na biblioteca os Rebuldeiros de 3º de ESO e os do club de lectura de inglés para aunar estratexias de cara á elaboración de booktrailers sobre as nosas respectivas lecturas. Compartimos espazo e moitas ideas....moi tolas.

domingo, 30 de diciembre de 2018

O Carteiro de Bagdad

En 3º ESO lemos: O carteiro de Bagdad, Marcos S. Calveiro. 
Elaboramos un power point para situar a obra: autor, lugares en guerra, a cultura musulmá: minaretes, mesquitas, moeda, relixión, ... Falamos de: Temas: as guerras, os nenos nas guerras, conflitos polo petróleo, enfrontamentos pola relixión, cidades destruídas, culturas arrasadas... A importancia dos libros (destrución das bibliotecas/protección do petróleo), o valor das cartas, as lendas como evasión, a superación das dificultades, o amor do pai...a amizade, ... 
Para completar a lectura o visionado da película Cometas en el cielo, que trata a mesma temática e valores, deixounos un algo tristeiras, mais tamén esperanzadas, pois a amistade e o amor triúnfa sobre as adversidades.

miércoles, 26 de septiembre de 2018

Clubs de lectura

A todos os LECTORES REBULDEIROS:



domingo, 10 de junio de 2018

I Encontro de Clubs de Lactura da AMAC

O pasado 7 de xuño vimos de asistir a unha fermosísima xuntanza dos clubs de lectura da Área Metropolitana da Coruña. Contamos coa presenza do último premio Nadal, Alejandro Palomas co que pasamos unha tarde inesquecible.

Recordarvos que temos varios libros de este autor: Un Hijo, Un Perro e Un Amor.
Se premedes na foto poderedes acceder a toda a reportaxe do evento

Fin de curso 4º de ESo

As rapazas de 4º de ESO xúntanse para a foto da última reunión.

jueves, 19 de abril de 2018

II Concurso de Microrrelatos do grupo DADO

Os clubs de lectura dos seis centros que conformamos o grupo DADO asistimos á tradicional gala de entrega de premios no Ágora. Os nosos finalistas: Juan Vila e Xabier Martínez de 1º de ESO tiveron unha actuación maxistral.
Deixamos aquí o vídeo-resumo da gala e da actuación de Xabier (ao acordeón) e Juan.

domingo, 15 de abril de 2018

A Neta do Señor Linh

As rapazas integrantes do club de lectura de 4º de ESO elaboran uns pósters interactivos como reflexión trala lectura de " A neta do Señor Linh" de Philippe Claudel.

Póster nº 1 feito por Tania Carril e Sol Pose:


Póster nº 2 por Lucía Gándara e María Sol Pose

jueves, 22 de febrero de 2018

LEDICIA COSTAS no noso club de lectura.

Emotiva charla para a nosa rapazada lectora e a que nos veu visitar doutros centros: IES Rafael Dieste, IES Ramón Menéndez Pidal, IES Monelos e IES Agra do Orzán.

Grazas a todos por compartir esta experiencia e especialmente ao grupo de alumnas do club de lectura de 2º de ESO e á súa profesora, Carme Manso, por facer unha magnífica presentación da escritora.

Se premedes na foto poderedes ver unha reportaxe fotográfica do evento.
Integrantes do club de lectura de 2º de ESO con Ledicia Costas

LEDICIA COSTAS no noso club de lectura

miércoles, 14 de febrero de 2018

Visita da escritora LEDICIA COSTAS ao noso centro

O alumnado rebuldeiro de 2º de ESO ten a grandísima honra de poder falar e escoitar á autora de Jules verne e a vida segreda das mulleres planta e outra máis que tamén se leron noutros clubs de lectura.
Virán de visita tamén integrantes dos clubs de lectura do IES Rafael Dieste,  do Menéndez Pidal e do IES Monelos.
Esperamos poder gozar da visita de LEDICIA COSTAS.

Deixamos aquí tamén a interesante exposición coa información da obra que deixaremos na entrada do instituto.


lunes, 13 de noviembre de 2017

Reunión Club de Lectura de 3º de ESO

A semana pasada reuniiuse o club de Lectura de 3º de ESO. Entre outras cousas sacaron a foto de grupo e falaron da obra que están a ler: Mentira de Care Santos.